Коронавирусийн халдвар сүүлийн үед эргээд өсөж байгаа. Өдөрт шинээр бүртгэгдэж байгаа нийт халдварын тохиолдлын 30 орчим хувь нь 0-17 насны хүүхдүүд байгааг Эрүүл мэндийн сайд С.Энхболд УОК мэдээлэл хийх үеэр хэллээ. 

Түүнчлэн 25-34 насныхан 42 хувийг эзэлж байгаа аж. Өөрөөр хэлбэл 75 орчим хувь нь залуучууд байгаа бөгөөд гэр бүлийн хүрээнээс халдвар авч байна. 

Халдвар ийнхүү нэмэгдэж байгаа нь тандалт судалгааны баг ажлаа эрчимжүүлж, шинжилгээний тоог нэмсэнтэй холбоотой гэв.

"ЭМЯ болон УОК-ын дэргэдэх эрдэмтдийн багийн дүгнэж байгаагаар зургаадугаар сарын 15-н гэхэд вакцины үр дүн гарч эхэлнэ. 

Улаанбаатар хотод зургаадугаар сарын 1-н гэж вакцинжуулалтыг дуусгахаар төлөвлөсөн. Гэсэн хэдий ч вакцины татан авалттай холбоотойгоор эрсдэлт бүлгийн вакцин хожуу эхэлж, зургаадугаар сарын 15-нд дуусгахаар байна. 

Судлаагчдын үзэж байгаагаар 15-н гэхэд тархалт тохиолдол өдрөөс өдөрт буурна гэж үзсэн" гэв.